الخطة التسويقية، تلك عشرة كاملة!

الخطة التسويقية، تلك عشرة كاملة!
1/ادرس السوق : العملاء وعاداتهم ورغباتهم وروتينهم اليومي ومين المسئول عن قرار الشراء ومين بيدفع.
المنافسين وايه نقاط ضعفهم وقوتهم.
الوسطاء زي الموردين والموزعين وسلاسل الامداد.
المنتج نفسه وقدراتك الانتاجية.
2/هدف الخطة : انت بتعمل الخطة دي ليه هل عشان تبيع ولا عشان awareness عايز الناس تعرفك ولازم يكون هدف يمكن قياسه وليه معايير اداء.
3/تقسيم واستهداف : وانت بتدرس السوق لازم تعرف الشرائح الموجودة فيه وايه احتياجتهم ورغباتهم واسلوب حياتهم يعني.
ومينفعش تستهدف كل الناس لان زي ما قولت – في تلخيصي لكتاب خطة التسويق ف صفحة واحدة ألن ديب والى بلخص فيه وصلت تلخصاتي ل٩ حلقات في الكومنتات – استهداف الجميع معناه ببساطة عدم استهداف اي حد.
هتختار شريحة محددة تكون الشريحة الاكبر والاكثر ربحا وتكون قادر علي تلبية رغباتها وتحاول تكون مفيهاش منافسة عالية.
4/التموضع position : لازم تحفر لنفسك في ذهن عميلك صفات محدده لما يسمعها يعرفك والوعد الى هتقدمه لازم تلتزم بيه.
5/المنتج : ده ملك العملية كلها لازم يكون عندك منتج جيد ومميز جدا والاهم ان يكون بيحتوي علي الوعد الى بتقدمه، يعني لو بتقول انك الافضل جودة لازم ده يكون موجود في كل وحدات المنتج طول الوقت.
6/التسعير : انت مسعر ازي في طريقتين للتسعير، تسعير بالقيمة انك شايف منتجك مميز بشدة في بتسعره تسعير مرتفع وفي طريقة تسعير انك بتقارن تسعيرك بمنافسيك وبتقدم منتجك زيهم او اقل او اكتر بنسبة بسيطة.
7/توفر منتجك في الاماكن الى بيدور فيها العميل ، لان مينفعش تعمل كامبين ضخم والناس تدور علي المنتج متلقيهوش.
8/الاعلانات ورجال المبيعات ليا كلام كتير هنا عن في اهمية اهل المبيعات.
9/العلاقات العامة : راس مال الانسان عموما هوه علاقاته مع الناس وكذلك المنتج، الناس بتثق كتير في المشاهير، لكن مهم اطراء المشاهير عليك ميكونش في اطار الاعلان.
10/اصولك الالكترونية : قولت قبل كده في تلخيصي لكتاب خطة التسويق ف صفحة واحدة ألن ديب، ان اهم اصول البيزنيس هوه الادوات الى بتستخدم في التسويق المباشر زي الموقع الالكتروني وزي صفحات السوشيال ميديا وزي قوائم ارقام العملاء وقوائم البريد الالكتروني دي الادوات الثورية الى بتساعد الشركات الصغيرة انها تتواصل مباشرة وتكون علاقة مع جمهورها المستهدف.
تلك عشرة كاملة.