انا شفت كلام كتير وأسئلة عن التسويق الالكتروني اللي بقي اسمه التسويق الرقمي
وعلشان انا باشتغل في المجال ده من سنة 1999
قلت لازم اشرح الموضوع ببساطة علشان نشر العلم أمانة
التسويق الإلكتروني عبارة عن 15 قناة تسويق وواحدة منهم السوشيال ميديا .. اللي واحدة منها الفيسبوك
تنقسم الي :
قنوات السحب pull channels . يعني العميل هو اللي بيدور علي المنتج.. دول 3 قنوات ..
1- جوجل
2- الادلة الالكترونية
3- الاسواق الإلكترونية .زي أمازون و جوميا ونون
قنوات الدفع push channels يعني احنا اللي بنروح للعميل . و دول 10 قنوات
1- رسائل البريد الإلكتروني المجمعة و رسائل الموبيل أبليكيشن المجمعة زي الواتس اب وغيره
2- السوشيال ميديا .. الفيسبوك – تويتر – لينكيدان
3- الصور .. انستجرام وسناب شات
4- الفيديو .. اليوتيوب و التيك توك
5- المقالات بنشغلها علي المدونات والمنتديات
6- ملفات ال pdf . ان المحتوي يبقي pdf و نحطه في الموقع
7- الاعلانات .. و ديه ب تتحسب بعدد مرات الظهور او بعد مرات الضغط علي الاعلان واللي اسمها النقرات
وتتعمل في اكتر من مكان :
▪︎ جوجل – تتحسب ب النقرات
▪︎ شبكات التواصل الاجتماعي – تتحسب ب عدد مرات الظهور
▪︎ المساحات الإعلانية علي المواقع – ب تتحسب بالظهور و بتتحسب بالنقرات
▪︎ الالعاب ال games – ب تتحسب بالظهور و بالنقرات
▪︎ الموبيل ابليكيشن- بتتحسب بالظهور وبالنقرات
8- تبادل الروابط مع مواقع مكملة ل نشاطك
9- المسابقات .. اننا نعمل مسابقة
10- الالعاب ال games – اننا نعمل لعبة خاصة بالنشاط بتاعنا
القناة رقم 14: الموقع الخاص بالنشاط علي الانترنت الويب سايت
و ده بيبقي فيه شات او محادثة زي الفيسبوك
و بيتربط مع برنامج اسمه social crm ب نؤجره من علي الانترنت
والثلاث حاجات ديه مع بعض
الموقع + الشات + social crm
تعتبر قناة تسويق تسمي ميكنة التسويق
Marketing Automation
و ده يدي ميزة انك تشوف زور الموقع وهما علي الموقع وتقدر تكلمهم بالشات
القناة رقم 15 : الموبيل ابليكيشن
ده هو علم التسويق الالكتروني
المفروض تتعمل خطة تسويق استراتيجية تتقسم ٣ مراحل
مرحلة قصيرة الاجل – من شهر الي 3 شهور
مرحلة متوسطة الاجل – من 3 شهور الي 6 شهور
مرحلة طويلة الاجل – من 6 شهور الي 9 شهور
وده كله حساب الميزانية الموجودة للتسويق الالكتروني
لغاية ما نوصل في خلال المرحلة الأولي يعني في اول 3 شهور
اننا نعرف ال 1000 ج تسويق تعمل كام مبيعات
بعدها نقدر نحط ميزانية سنوية
بعتذر علي الاطالة بس كان لازم اشرح الكلام ده علشان ديه امانة نشر العلم
واي حد محتاج اي نصيحة ممكن يتواصل معايا